

D2904

།[་]@##། །རྒྱ་གར་སྐད་དུ། ནཱི་ལཱཾ་བ་ར་རྟ་ར་བཛྲ་བཱ་ཎི་ཀྲོ་དྷ་རཱ་ཛ་སཱ་དྷ་ནཾ། བོད་སྐད་དུ། ཁྲོ་བོའི་རྒྱལ་པོ་ཕྱག་ན་རྡོ་རྗེ་གོས་སྔོན་པོ་ཅན་སྒྲུབ་པའི་ཐབས། ཕྱག་ན་རྡོ་རྗེ་གཏུམ་པོ་ལ་ཕྱག་འཚལ་ལོ། །གཡོན་བརྐྱང་གར་གྱིས་རི་བོང་འཛིན་པ་ལ། །ལེགས བཞུགས་ཁྲོ་རྒྱལ་ཀླུ་དགྲ་དེ་བཏུད་ནས།།དེ་བསྙེན་ཆོ་ག་བླ་མ་བཟང་པོ་ལས། །ཇི་ལྟར་འོངས་པ་བདག་ཉིད་དྲན་པར་བྲི། །དེ་ལ་ཁྲོ་བོའི་བདག་པོ་ཡང་དག་པར་བསྙེན་པར་འདོད་པའི་རྣལ་འབྱོར་པས་ཐོ་རངས་ཉིད་དུ་གདོང་བཀྲུ་བ་ལ་སོགས་པ་བྱས་ནས་བསམ་གཏན་གྱི་ས་ལ་མེ་ཏོག་གཅལ་དུ་བཀྲམ་པས་ དགའ་བར་བྱས་པའི་དབུས་སུ་སྟན་བདེ་བ་ལ་འདུག་སྟེ།རང་གི་སྙིང་གར་ཡི་གེ་ཧཱུཾ་སྔོན་པོ་བསམས་ལ། དེའི་འོད་ཀྱིས་རྗེ་བཙུན་བླ་མ་དང་། སངས་རྒྱས་དང་རྒྱལ་བའི་སྲས་ཐམས་ཅད་བསྐུལ་ཏེ། དེ་དག་གི་མདུན་དུ་ཡང་དག་པར་མཆོད་པ་དང་། སྡིག་པ་བཤགས་པ་ལ་སོགས་པ་བྱའོ། །དེའི་ འོག་ཏུ་ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཨུ྅ཧཾ།ཚིག་གི་དོན་དང་བཅས་པར་སྟོང་པ་ཉིད་དུ་རྣམ་པར་བསམ་མོ། །དེ་ནས་རང་གི་སྙིང་གར་ཨ་ལས་བྱུང་བའི་ཟླ་བའི་དཀྱིལ་འཁོར། དེའི་སྟེང་དུ་ཡི་གེ་ཧཱུཾ་མཐིང་ག་འོད་དང་བཅས་པར་བསམས་ཏེ། དེའི་འོད་ཀྱིས་འགྲོ་བ་མ་ལུས་པར་སྦྱངས་ཤིང་། རང་གི་ལྷག་ པའི་སྐུར་གྱུར་ཏེ།དེ་དག་ཐམས་ཅད་འདུས་ནས་ས་བོན་གྱི་ཡི་གེ་ལ་བཞུགས་པ་དང་། རྡོ་རྗེ་སྔོན་པོ་རྩེ་ལྔ་པ་འོད་ཟེར་གྱི་ཕྲེང་བ་འཁྲུགས་པར་གྱུར་པ་བལྟ་སྟེ། དེ་ནས་ཡང་དེ་ལས་འོད་ཟེར་འཕྲོས་པས་སེམས་ཅན་མ་ལུས་པར་རབ་ཏུ་དྲངས་ཏེ། རྡོ་རྗེ་ལ་ཞུགས་པ་དང་། དེ་ནས་དེ་ཡོངས་སུ་གྱུར་པ་ལས་ ཁ་དོག་སྔོན་པོ་ཆེར་འབར་བ།།རབ་ཏུ་ཁྲོས་ཤིང་འདུག་པ་སྟེ། །གཡོན་བརྐྱང་པ་ཡིས་ལེགས་བརྟེན་པ། །བཅུ་དྲུག་ལོ་ལོན་ལྟ་བུ་ལ། །རབ་ཏུ་ཁྲོས་པའི་ལྟ་སྟངས་ཅན། །ལྟོ་འཕྱེ་བརྒྱད་ཀྱིས་རྣམ་བརྒྱན་ཅིང་། །ཟླ་བའི་གདན་ལ་ལེགས་བཞུགས་པ། །ཞལ་གཅིག་ཕྱག་ནི་གཉིས་པ་སྟེ། །གཡས་ ན་རྡོ་རྗེ་རྩེ་ལྔ་པ།།བསྣུན་པའི་ཚུལ་གྱིས་ལེགས་བཟུང་ཞིང་། །གཡོན་པ་སྡིགས་མཛུབ་འཛིན་མཛད་པ། །སྨད་གཡོགས་སྔོན་པོ་ལེགས་བསྣམས་ཤིང་། །སྤྱན་དམར་མཆེ་བ་རྣམས་གཙིགས་པ། །ཉི་མའི་འོད་ཅན་མགོ་སྐྱེས་ནི། །དམར་སེར་གྱེན་ཕྱོགས་ཅོད་པན་ཅན། །ཧ་ཧ་འོ་དོད་ཆེན་པོ་ཡིས། ། ལོག་འདྲེན་ལ་སོགས་སྐྲག་བྱེད་པ། །འཇིགས་བྱེད་ཁྲོ་བོའི་བདག་པོར་ནི། །བདག་ཉིད་རྣམ་པར་བསམ་པར་བྱ། །དེའི་རྗེས་སུ་ཉིད་ཀྱི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་ཡེ་ཤེས་སེམས་དཔའི་སྤྱན་དྲངས་ཏེ། ཡང་དག་པར་མཆོད་ལ་ཛཿཧཱུཾ་བཾ་ཧོཿཞེས་པས། དེ་དགུག་པ་དང་གཞུག་པ དང་།བཅིང་བ་དང་། དགྱེས་པར་བྱའོ། །དེ་ནས་སྐུ་གསུང་ཐུགས་བྱིན་གྱིས་བརླབ་པའི་ཕྱིར་སྤྱི་བོ་དང་མགྲིན་པ་དང་སྙིང་གའི་ཟླ་བའི་དཀྱིལ་འཁོར་རྣམས་ལ་རིམ་པ་ཇི་ལྟ་བ་བཞིན་དུ་དཀར་པོ་དང་ནག་པོ་དང་དམར་པོའི་ཨོཾ་ཨཱཿཧཱུཾ་རྣམས་རྣམ་པར་བསམ་མོ། །དེའི་འོག་ཏུ་སྤྲོ་བ་དང་ བསྡུ་བའི་རིམ་པས་ཇི་སྲིད་སྐྱོ་བར་མ་གྱུར་གྱི་བར་དུ་བསྒོམ་པར་བྱ་ཞིང་སྐྱོ་བར་གྱུར་ན་སྔགས་བཟླས་པར་བྱ་སྟེ།སྐྱེན་པ་དང་བལ་བ་དང་ཤིན་ཏུ་གསལ་བ་དང་མི་གསལ་བ་ཡང་མ་ཡིན་པའི་རྣམ་པར་རྟོག་པ་སྤངས་པས་སོ། །དེ་ནས་བཟླས་པས་སྐྱོ་ན། ཨོཾ་ཨ་ཀཱ་རོ་མུ་ཁཾ་ཞེས་བྱ་བ་ལ་སོགས་ པས་གཏོར་མ་ཉེ་བར་ཕུལ་ཏེ།ོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་བ་ཏིཥྛ། དྲི་ཌྷོ་མེ་བྷ་བ། སུ་ཏོཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོཥྱོ་མེ་བྷ་བ། སརྦ་སི་དྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་རྩི་ཏྟཾ་ཤྲེ་ཡཿཀུ་རུ་ཧཱུཾ་ཧ་ཧ་ཧ་ཧ་ཧོཿབྷ་ག་བཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩ་བཛྲཱི་བྷ་བ་མ་ ཧཱ་ས་མ་ཡ་སཏྭ་ཧཱཿཞེས་བྱ་བས་ལྷག་པ་དང་མ་ཚང་པ་དག་ཡོངས་སུ་རྫོགས་པར་བྱའོ།།དེའི་རྗེས་སུ་ཡེ་ཤེས་སེམས་དཔའི་ཡང་དག་པར་མཆོད་པས། ཨོཾ་ཀྲོ་དྷ་བྷ་བ་སརྦ་ས་ཏྲཱ་རྠ། སི་དྷཱ་ཏཏྟྭ་ཡ་ཐ་མུ་གཙྪ་དྷ། བུདྡྷ་བི་ཤྭ་ཡ་མ། པུ་ནར་ག་མ་ནཱ་ཡ་མུཿཞེས་བྱ་བ་འདིས་གཤེགས་པར་བྱའོ། ། དེ་ལ་འདིར་ཡང་དག་པར་བསྙེན་པའི་སྔགས་ནི། ཨོཾ་ནཱི་ལཱཾ་བ་ར་དྷ་ར་བཛྲ་པཱ་ཎི་ཧཱུཾ་ཕཊ་ཅེས་བྱའོ། །དེ་ལྟར་སྒྲུབ་ལ་མངོན་བརྩོན་སྐལ་ལྡན་རྣམས་ཀྱིས་ནི། །བསྒྲིམས་ཏེ་རང་གི་བླ་མའི་མིན་ངག་བདུད་རྩི་གང་། །འཐུངས་པས་ལུས་སོགས་རབ་རྒྱས་སྔགས་རྩ་སྐྱེས་པ་ཡིས། །རྟོགས་པས བསྟན་པའི་ལས་ལ་རབ་སྦྱར་བདེ་བ་ནི།།དེ་ཡིས་གནོད་པ་མ་ལུས་བསལ་བར་ཕོད་པ་སྟེ། །གང་དག་སྐལ་ལྡན་སྔོན་གྱི་སྐྱེ་བར་བསྙེན་བྱས་པ། །དེ་དག་བླ་མ་བཟང་པོས་ཉེར་བསྟན་ཐོབ་ཙམ་གྱིས། །སྔོན་དུ་བསྙེན་པ་མ་བྱས་རྟོག་པར་སྦྱར་བས་ཀྱང་། །དགོས་པ་ལུས་མེད་མི་རིང་ཉིད་ ཀྱིས་འབྱུང་བར་འགྱུར།།དེ་ལྟར་བླ་མས་གང་བཤད་པ་ན་བྱུང་བདུད་རྩི་ཡི། །ཐིགས་པས་སྡུག་བསྔལ་ཞི་བྱེད་འདི་ནི་འདིར་གཏོར་བས། །སྐྱེ་བོ་རྟོག་པའི་དུག་ནི་ནད་མེད་ཉམས་གྱུར་པ། །དེ་རྟོགས་རྟོག་སྐྱེས་ནད་དང་ཉེར་འཚེ་ཞི་བར་ཤོག་།བདག་གིས་འདི་དང་གཞན་དག་ཏུ། ། བསོད་ནམས་གང་དང་གང་བགྱིས་པ། །བསོད་ནམས་དེ་ཡིས་མགོན་པོ་རྣམས། །རྟག་ཏུ་བདག་གིས་མཐོང་བར་ཤོག་།ཁྲོ་བོའི་རྒྱལ་པོ་ཕྱག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས། སློབ་དཔོན་སུ་ཙནྡྲ་བྷ་དྲའི་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་བི་ན་ཡ ་ཙནྡྲ་དང་།